my krismas istory.

hello mga ka freshness!

ang tagal ko ng di nagpost dito. kasi naman, nonstop eating ang nagaganap sa bahay namin.

limang araw na akong lumalamon, natutulog, jumejebs, at kumakain ulit. from the masasaganang fruits like mango, papaya, banana, and pineapple, to artery-blockers like lechon, lumpia, crispy pata, and other high blood inducers.

nung isang araw nga, sinita na ako ng mudrax ko, dahil panay daw ang kain ko ng pansit. kasi daw dalawang araw na yung panis. sorry naman, kayo kaya ang gutom?

kapagka hindi naman kumakain, ay nakahilata lang ako sa sala, nanunuod ng kung anu-anung mga shit shit na movie, at syempre pa, kasama ang aking mga band of brothers and parental guidance. hangsaaaaarap lang pag araw-araw ang pasko at sana wala nang mga inaanak hihi .

kahit na katropa ako ng mga SMP ngayong paskong to, ay wala akong pakialam. kasi masaya naman ako sa piling ng pamilya ko. kornee kung sa kornee pakinggan, pero na-miss ko din kasi ang ganito. nung isang taon kasi, mag-isa lang akong nagcelebrate ng krismas sa cebu. walang excitement factor pag nag exchange gift ka na mag-isa ka lang, at lalong ang hirap mag family picture pag ikaw lang ang nasa hapag kainan.

kaya ngayong taon na to, minabuti ko talagang makipag-lablab sa mga magulang at kapatid ko. bihira nalang din kasi kaming mag get together, lalo na ngayong malalaki na kami. at, in the fair, ay naging masaya naman mga naging pasko ko growing up.

yung tipong, manghang-mangha ako kai santa claus dati. pwera nalang nung nahuli ko ang tatay ko na naglalagay ng mga anik-anik sa medyas ko ng biglang nagising ako ng madaling araw. nung nakita ko siya, kumaripas siya ng takbo sa CR at nagkulong dun. syempre bilang naiihi ako, inantay ko talagang lumabas siya. but no. pinandigan nyang kathang isip lamang na nakita ko siya. so after 3 hours, natulog nalang ako ulit, kahit na pumuputok na ang pantog ko. di bale ng magka UTI ang anak nya, basta lang hindi ko malaman ang kanyang deep, red secret.

nung grade three din yata ako nun, meron din akong di malilimutan na krismas experience. pumunta kaming apat na magkakapatid, kasama si erpat, sa tyangge, para bumili ng mga pork cuts etshitera. bilang antukin akong bata, natulog lang ako sa jeep namin pagdating dun.

pagkagising ko, hysterikal na ang sangkatauhan. umiiyak ang dalawa kong kuya, at umuusok ang tenga ng erpat ko sa galit.

'mga putang ina, anung kaguluhan ito? natutulog ang tao eh!' sambit ko. pero sa utak ko lang. kasi baka mahambalos na naman ako.

'nawawala ang kapatid mong babae. ang tatanga nyo kasing mga kuya!' galit na sagot ni erpatsu.

'ah okay. goodnight ulit. goodluck sa inyo!' joke!

syempre, nawala ako sa dreamland at tinulungan kong hanapin ang nakababata kong kapatid na biglang naging lost sa tyangge. sinuyod namin ang kahabaan at kalaliman ng dumaguete public market. at habang naghahanap kami, hindi tumigil sa paghagulhol ang dalawa kong mga kapatid.

ako naman, relaks lang. syempre, nung mga panahung yun, buhay pa naman si inday badiday. pwedeng manawagan ang kapatid ko sa eye to eye. and if push comes to the wall, pwede din sa show ni rosa rosal na damayan, dahil hindi pa siya red cross chairperson nun, at madaming madami pa siyang dugo nung panahung yun.

muntik na kaming mag give up at umuwi nalang sa bahay na one child less ng biglang may nakita kaming batang nakaupo lang sa isang sulok sa wet market. doon mismo sa kung saan binubutcher ang mga baboy at kung anu-anu pang mga karne shit. nakatanga lang siya dun habang pinagmamasdan kung pano imassacre ang baboy at gawing 1,000 small pieces.

andun lang pala siya all the while.

tumatakbong luhaan papunta sa kanya ang mga kapatid ko. niyakap siya ng mahigpit, yung tipong hindi na siya makahinga. kasi pala may halong poot ang pagkakayakap na yun. hahaha.

kaya ayun, umuwi na kami, at namangha sa mistulang krismas miracle na naganap.

happy holidays everyone, and i hope all of you had the best time last christmas!