bakit kinailangan mong maging adik pagkatanda mo?

kahit na kanina ko pa narinig ang karima-rimarim na balitang yun, ay hindi ko pa din lubos maisip na siya pala ang kriminal na kinasusuklaman ko noong isang linggo lang.

naalala ko pa na medyo lalasing-lasing pa ako nung tiningan ko yung litratong naka-tag ako martes ng gabi nung isang linggo, kahit na wala naman ako dun sa larawan. isang litrato ng batang nakangisi habang idinidikit ang hintuturo nya sa kanyang matatambok na mga pisngi. akala ko nung una ay yaon ang anak ni spring na dalagingding na ngayon. pero hindi pala. nalungkot ako ng sobra nung nabasa ko ang caption na:

this little girl was beaten to death by her parents in bacolod city. she was just 6 years old. and in the autopsy report, it was discovered that she had several bruises all over her body, burn marks in her buttocks, and evidence of lacerations to her genitalia.

naalala ko pa ang naging comment ko sa picture na ito: spring, biglang na depress naman ako dito. =(

pagkatapos nun, palaging pumupula ang notification bar ng facebook ko kasi ang dami-daming nagcocomment sa mga itinag din nya. kaya minabuti kong tanggalin nalang ang pangalan ko sa mga naka-tag dahil ayokong makita ang mukha ng inosenteng bata na walang awang pinaslang ng mga dapat sana'y umaruga at nagmahal sa kanya.

hanggang sa naghapunan kami kanina.

biglang tinanong ako ng mama ko: clyde, di ba kilala mo si [insert name here]?

ako naman: oo, kaklase ko yan ng elementary eh.

mama: alam mo ba, nakakulong siya ngayon?

ako: weh?

m: oo, kasi pinatay nya yung anak nya sa bacolod. high daw kasi sila ng asawa nya.

a: hindi ako naniniwala sayo. mabait yun dati eh. naalala ko pa nga, madalas kaming seatmate ng grade 5 at grade 6 kasi inappoint ako na maging tutor nya dahil may kahinaan sa utak yung si [ ].

m: totoo. high daw kasi sila ng asawa nya kaya nila nagawa yun. umihi daw bigla ang anak nila sa kama habang nagdodroga sila, kaya ayun, pinaso ng plantsa ang bata, pinagbububugbog, at ang pinakamasaklap pa, pinasukan pa nila ng papel ang anu ng anak nila.

a: [hindi na kumain at nalungkot ng sobra]

dali-dali kong binuksan ang internet at ginoogle ang mga detalye ng krimen na yun. at nanlamig ako ng makita ko na siya nga ang tatay ng kawang nilalang na nilapastangan ng sarili nyang mga magulang.

napabuntong-hininga ako ng malalim.

hindi ko maatim na siya pala ang halimaw na yun.

naalala ko pa nung nasa elementary kami, ang tahi-tahimik nya. pero syempre, kahit na tahimik siya ay hindi siya napatalsik ng first section kasi nga naman, anak siya ng mga hasyendero sa bais. kastila yung mga magulang nya, at madalas silang hingan ng offering kapagka nagmimisa yung skul namin. nung grade 5 at 6 kami, ako yung in-assign ng titser namin na maging tutor nya sa english at hekasi kasi medyo may problema siya sa mga subjects na yun.

hindi pa din talaga ako makapaniwala kahit hanggang ngayon.

bakit mo ginawa yun?